കൊച്ചി: ലോകപരിസ്ഥിതി ദിനത്തില്‍ പരിസ്ഥിതി സംരക്ഷണത്തിന്റെ പ്രാധാന്യം തലമുറകള്‍ക്ക് പകര്‍ന്നു നല്‍കുതിനായി നാടിനൊപ്പം കൈകോര്‍ത്ത് കേരള വ്യാപാരി വ്യവസായി ഏകോപന സമിതി യൂത്ത് വിംഗ്. ഏകോപന സമിതി തേവര യൂത്ത് വിംഗിന്റെ ആഭിമുഖ്യത്തില്‍ ലോക പരിസ്ഥിതി ദിനം ആചരിച്ചു. യൂത്ത് വിംഗ് യൂണിറ്റ് പ്രസിഡന്റ് ടെന്‍സണ്‍ ജോര്‍ജിന്റെ അധ്യക്ഷതയില്‍ കൂടിയ യോഗത്തിന്റെയും വൃക്ഷതൈ വിതരണത്തിന്റെയും ഉദ്ഘാടനം യൂത്ത് വിംഗ് സംസ്ഥാന സെക്രട്ടറി പ്രദീപ് ജോസ് നിര്‍വ്വഹിച്ചു.
പരിസ്ഥിതി ദിന സെമിനാര്‍ കെ.വി.വി.ഇ.എസ് തേവര യൂണിറ്റ് പ്രസിഡന്റ് ടോമി കാനാട്ട് ഉദ്ഘാടനം ചെയ്തു. യൂണിറ്റ് ജനറല്‍ സെക്രട്ടറി അബ്ദുല്‍ റസാക്ക് മുഖ്യപ്രഭാഷണം നടത്തി. യൂണിറ്റ് ട്രഷറര്‍ ചന്ദ്രകാന്ത് കമ്മത്ത്, വനിതാ വിംഗ് പ്രസിഡന്റ് സാലി ജോണ്‍ യൂണിറ്റ് വൈസ് പ്രസിഡന്റ് എ. ഹരിദാസ് യൂത്ത് വിംഗ് ഭാരവാഹികളായ റഷീദ് അബുബക്കര്‍,.ബിനു തേവര, ആര്‍.വി. പ്രേം എന്നിവരും പ്രസംഗിച്ചു.
