കൊച്ചി:  കച്ചേരിപ്പടി ശ്രീ സുധീന്ദ്ര മെഡിക്കല്‍ മിഷന്‍ ആശുപത്രിയുടെ സ്ഥാപകനും കാശി മഠാധിപതിയുമായിരുന്ന ശ്രീമദ് സുധീന്ദ്ര തീര്‍ഥ സ്വാമികളുടെ ജന്മ ശതാബ്ദി ആഘോഷങ്ങളുടെ ഭാഗമായി ശ്രീ സുധീന്ദ്ര ആശുപത്രിയില്‍ ഓഗസറ്റ് മുതല്‍ എല്ലാ ഞായറാഴ്ച്ചകളിലും സൗജന്യ മെഡിക്കല്‍ ക്യാമ്പ് സംഘടിപ്പിക്കുമെന്ന്  ആശുപത്രി ബോര്‍ഡ് പ്രസിഡന്റ് രത്‌നാകര ഷേണായി, ജനറല്‍ സെക്രട്ടറി മനോഹര്‍ പ്രഭു എന്നിവര്‍ അറിയിച്ചു. രാവിലെ ഒമ്പതു മുതല്‍ ഉച്ചയ്ക്ക് ഒരു മണിവരെയാണ്  ക്യാമ്പ് .

ആഗസ്റ്റ് നാലിന് ഇ.എന്‍.ടി, ഡെന്റല്‍, 11 ന് പള്‍മനോളജിസ്റ്റ് (ശ്വാസകോശം), 18 ന് ഗൈനക്കോളജി, 25 ന് സര്‍ജറി എന്നീ വിഭാഗങ്ങളിലാണ് ക്യാംപ് നടക്കുന്നത്. ക്യാമ്പില്‍ പങ്കെടുക്കുന്നവര്‍ക്ക് സൗജന്യ പരിശോധനയും, തടുര്‍ ചികിത്സ ആവശ്യമുള്ളവര്‍ക്ക് ശസ്ത്രക്രിയയും മറ്റു ടെസ്റ്റുകളും സൗജന്യ നിരക്കിലും ലഭ്യമാക്കുമെന്നും അധികൃതര്‍ അറിയിച്ചു.

സുധീന്ദ്ര സ്വാമിയുടെ നവതി ആഘോഷ വേളയില്‍ സൗജന്യ മെഡിക്കല്‍ ക്യാമ്പുകളും 90 നിര്‍ദ്ധനരായ രോഗികള്‍ക്ക് മുട്ട്മാറ്റിവയ്ക്കല്‍ ശ്‌സ്ത്രക്രിയയും നടത്തിയിരുന്നു. കൂടുതല്‍ വിവരങ്ങള്‍ക്ക് 04844077400,3512123,7025350481 എന്ന നമ്പറില്‍ ബന്ധപ്പെടുക.