19-August-2024 -
By. entertainment desk
കൊച്ചി: ശതാഭിഷിക്തനായ മലയാള ചലച്ചിത്ര സംഗീത സംവിധായകന്‍ ജെറി അമല്‍ദേവിനോടുള്ള ആദരസൂചകമായി കൊച്ചിന്‍ ഐഎംഎയുടെ സഹകരണത്തോടെ പബ്ലിക് റിലേഷന്‍സ് കൗണ്‍സില്‍ ഓഫ് ഇന്ത്യ(പിആര്‍സി ഐ) കൊച്ചിന്‍ ചാപ്റ്റര്‍, ഡയമണ്ട് സ്പൂണ്‍ പ്രീമിയം വെഡ്ഡിംഗ് എന്നിവരുമായി ചേര്‍ന്ന് മലയാള പിന്നണി ഗായകരുടെ സംഘടനയായ ' സമം ' സംഘടിപ്പിക്കുന്ന സാന്ദ്രലയം സംഗീത പരിപാടി ആഗസ്റ്റ് 20 ശനിയാഴ്ച വൈകിട്ട് ഏഴിന് കലൂര്‍ ഐഎംഎ ഹൗസില്‍ നടക്കും.
ജെറി അമല്‍ദേവിനൊപ്പം പ്രവര്‍ത്തിച്ച സംഗീതജ്ഞരും ചലച്ചിത്ര സംവിധായകരും ഉള്‍പ്പെടെ ചലച്ചിത്ര രംഗത്തെ പ്രമുഖരും,വിവിധ ചലച്ചിത്ര സംഘടനകളും ചടങ്ങില്‍ പങ്കെടുക്കും. പദ്മവിഭൂഷണ്‍ ഡോ കെ എസ് ചിത്ര , കെ.ജി മാര്‍ക്കോസ് , വിജയ് യേശുദാസ് തുടങ്ങിയ പ്രമുഖ ഗായകര്‍ ജെറി അമല്‍ ദേവ് സംഗീത സംവിധാനം നിര്‍വ്വഹിച്ച സൂപ്പര്‍ ഹിറ്റ് ഗാനങ്ങള്‍ ആലപിക്കും.
സംഗീത പരിപാടിയുടെ മുന്നോടിയായി ഗായകരായ ഡോ. കെ എസ് ചിത്ര, ജോല്‍സന, അഫ്‌സല്‍, സുദീപ്കുമാര്‍, രാജശ്രീ എന്നിവരുടെ നേതൃത്വത്തില്‍ കലൂര്‍ ഐഎംഎ ഹൗസില്‍ ഇന്നലെ പ്രോഗ്രാമിന്റെ റിഹേഴ്‌സല്‍ നടത്തി. പ്രവേശനം പാസ് മൂലം. കൂടുതല്‍ വിവരങ്ങള്‍ക്ക് 8943264775
