21-August-2024 -
By. news desk
കൊച്ചി: 2024 ലെ എസ്.എസ്.എല്‍.സി, പ്ലസ്ടു, സി.ബി.എസ്.ഇ പരീക്ഷകളില്‍ ഉന്നത വിജയം നേടിയ വ്യാപാരികളുടെയും തൊഴിലാളികളുടെയും മക്കള്‍ക്ക് എറണാകുളം മാര്‍ക്കറ്റ് സ്റ്റാള്‍ അസ്സോസിയേഷന്‍ ഏര്‍പ്പെടുത്തിയ വിദ്യാഭ്യാസ അവാര്‍ഡുകള്‍ വിതരണം ചെയ്തു. അസ്സോസിയേഷന്‍ പ്രസിഡന്റ് സി.ജെ ജോര്‍ജ്ജിന്റെ അധ്യക്ഷതയില്‍ ചേര്‍ന്ന സമ്മേളനത്തില്‍ കൊച്ചി മേയര്‍ അഡ്വ. എം. അനില്‍കുമാര്‍ വിദ്യാര്‍ഥികള്‍ക്ക് ക്യാഷ് അവാര്‍ഡും മെമന്റോയും സമ്മാനിച്ചു.
വയനാട് ദുരന്തത്തില്‍ സര്‍വ്വതും നഷ്ടപ്പെട്ടവരുടെ പുനരധിവാസ നിധിയിലേക്കായി അസോസിയേഷന്‍ സമാഹരിച്ച ഒരു ലക്ഷം രൂപയുടെ ചെക്ക് കേരള വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് പി.സി ജേക്കബ്ബിന് ചടങ്ങില്‍ കൈമാറി. കെ.എം.സി.സി പ്രസിഡന്റ് പി.നിസാര്‍, ആര്‍ട്ടിസ്റ്റ് മിയോണ്‍ ജോണ്‍, ടി.എച്ച് നാസര്‍, എന്‍.എച്ച് ഷമീദ് തുടങ്ങിയവര്‍ സംസാരിച്ചു.
