കൊച്ചി: സാന്‍ഡല്‍വുഡ് ഗ്രൂപ്പ് ഫാമിംഗ് വെല്‍ഫെയര്‍ അസ്സോസിയേഷന്‍ പ്രസിഡന്റായി അനു വര്‍ക്കി, സെക്രട്ടറിയായി ലിസിയാമ്മ സണ്ണി, ട്രഷറര്‍ ആയി ഷഹീന റാഫി എന്നിവരെ തിരഞ്ഞെടുത്തു. വനം വകുപ്പിന്റെയും സംസ്ഥാന സര്‍ക്കാരിന്റെയും മാര്‍ഗ്ഗ നിര്‍ദ്ദേശങ്ങള്‍ക്കനുസൃതമായി സ്വകാര്യ ഭൂമിയില്‍ ചന്ദനകൃഷി ചെയ്യുന്ന കര്‍ഷകരുടെ ക്ഷേമത്തിനായി കാക്കനാട് ആസ്ഥാനമായി പ്രവര്‍ത്തിക്കുന്ന സംഘടനയാണ് സാന്‍ഡല്‍വുഡ് ഗ്രൂപ്പ് ഫാമിംഗ് വെല്‍ഫെയര്‍ അസ്സോസിയേഷന്‍. അസ്സോസിയേഷന്റെ ഉടമസ്ഥതയില്‍ വയനാട്ടിലെ മുള്ളംകൊല്ലി പാടിച്ചിറിയില്‍ മൂന്നര ഏക്കര്‍ സ്ഥലത്ത് ആയിരത്തില്‍ പരം ചന്ദനതൈകള്‍ കൃഷിചെയ്തിട്ടുണ്ട്.
