20-September-2024 -
By. news desk
കൊച്ചി: സൂപ്പര്‍മാര്‍ക്കറ്റ് വെല്‍ഫെയര്‍ അസോസ്സിയേഷന്‍ ഓഫ് കേരള(എസ്.ഡബ്ല്യു.എ.കെ.) സംസ്ഥാന പ്രസിഡന്റായി ജോര്‍ഫിന്‍ പെട്ടയും ജനറല്‍ സെക്രട്ടറിയായി കെ.എ സിയാവുദ്ദീനും ട്രഷറര്‍ ആയി കെ.എം ഹനീഫ (കോഴിക്കോട്) യെയും തിരഞ്ഞെടുത്തു. എറണാകുളം ക്രൗണ്‍പ്ലാസയില്‍ നടന്ന സംസ്ഥാന സമ്മേളനത്തിലായിരിന്നു പുതിയ ഭാരവാഹികളുടെ തിരഞ്ഞെടുപ്പ് നടന്നത്.
സാജു മൂലന്‍സ്, വി. മുസ്തഫ കോഴിക്കോട് (വൈസ് പ്രസിഡന്റുമാര്‍), ഡെന്നീസ് ജോസഫ് കോട്ടയം, ഷബീബ് റഹ്മാന്‍ മലപ്പുറം (ജോയിന്റ് സെക്രട്ടറിമാര്‍), ഷയീസ് റോയല്‍ ഒറ്റപ്പാലം (പര്‍ച്ചേസ് കമ്മിറ്റി കണ്‍വീനര്‍) എന്നിവര്‍ സഹഭാരവാഹികളായി 24 അംഗ എക്‌സിക്യൂട്ടീവ് കമ്മിറ്റിയെയും സമ്മേളനത്തില്‍ തിരഞ്ഞെടുത്തു.
അജ്മല്‍, നാസര്‍ എന്നിവര്‍ തിരഞ്ഞെടുപ്പ് നടപടിക്രമങ്ങള്‍ക്ക് നേതൃത്വം നല്‍കി. സംസ്ഥാന പ്രസിഡന്റ് ജോര്‍ഫിന്‍ പെട്ട സമ്മേളനത്തില്‍ അധ്യക്ഷത വഹിച്ചു. തിരുവനന്തപുരം മുതല്‍ കാസര്‍കോഡുവരെയുള്ള നാലായിരത്തിലധികം വരുന്ന സൂപ്പര്‍ മാര്‍ക്കറ്റ് ഉടമകള്‍ അസോസിയേഷനില്‍ അംഗങ്ങളാണ്
