കൊച്ചി: ഇടവേളയ്ക്ക് ശേഷം രാജ്യത്ത് വീണ്ടും കൊവിഡ് പിടിമുറുക്കുന്നു. കഴിഞ്ഞ ഏതാനും ദിവസങ്ങളായി പ്രതിദിന കൊവിഡ് ബാധിതരുടെ എണ്ണം കുത്തനെ ഉയരുകയാണ്. കഴിഞ്ഞ 24 മണിക്കുറിനുള്ളില്‍ മാത്രം 10.093 പുതിയ കൊവിഡ് കേസുകളാണ് രാജ്യത്ത് റിപ്പോര്‍ട്ട് ചെയ്തിരിക്കുന്നത്. പ്രതിദിന പോസിറ്റിവിറ്റി നിരക്ക് 5.61 ശതമാനവും പ്രതിവാര പോസിറ്റിവിറ്റി നിരക്ക്  4.48 ശതമാനവുമാണ്. നിലവില്‍ 57,542 പേരാണ് ചികില്‍സയിലുള്ളത്. 0.13 ശതമാനമാണ് സജീവ് കേസുകള്‍ ഉളളത്. അതേ സമയം 98.68 ശതമാനമാണ് രോഗമുക്തി. കഴിഞ്ഞ 24 മണിക്കൂറിനുള്ളില്‍ 1,79,853 പേരെ കൊവിഡ് പരിശോധന നടത്തി. രാജ്യവ്യാപകമായ പ്രതിരോധ കുത്തിവെയ്പ്പ് പരിപാടിയുടെ ഭാഗമായി  ഇതുവരെ 220.66 കോടി വാക്‌സിന്‍ ഡോസുകള്‍ നല്‍കി. ഇതില്‍ 95.21 കോടി രണ്ടാം ഡോസും 22.87 കോടി മുന്‍കരുതല്‍ ഡോസുമാണ്.