കൊച്ചി: എറണാകുളം ജില്ലാ കളക്ടര്‍ ആയിരുന്ന ഡോ.രേണുരാജിനെ മാറ്റി.പുതിയ കളക്ടര്‍ ആയി എന്‍.എസ്.കെ ഉമേഷ് ഇന്ന് ചുമതലയേല്‍ക്കും. ഇന്ന് രാവിലെ 10നാണ് അദ്ദേഹം പുതിയ കളക്ടറായി ചുമതലയേല്‍ക്കുന്നത്.ഡോ.രേണു രാജിന് വയനാട് കളക്ടറായിട്ടാണ് മാറ്റിയിരിക്കുന്നത്.ആറുമാസം മുമ്പാണ് ഡോ,രേണു രാജ് എറണാകുളം കളക്ടറായി ചുമതലയേറ്റ്.
ബ്രഹ്മപുരം പ്ലാന്റിലുണ്ടായ തീപിടുത്തത്തെ തുടര്‍ന്ന് എറണാകുളം ജില്ലയിലെ ജനങ്ങള്‍ ആകെ ബുദ്ധിമുട്ട് നേരിട്ടുകൊണ്ടിരിക്കുന്നതിനിടയിലാണ് ഡോ.രേണു രാജിന്റെ സ്ഥലം മാറ്റം.പുതിയ കലക്ടറായി ചുമതലയേല്‍ക്കുന്ന എന്‍.എസ്.കെ ഉമേഷിന്റെ പ്രധാന വെല്ലുവിളിയും ബ്രഹ്മപുരം തീപിടുത്തം തന്നെയായിരിക്കുമെന്നാണ് വിലയിരുത്തപ്പെടുന്നത്.തീ അണയ്ക്കാന്‍ സാധിച്ചെങ്കിലും ആറു ദിവസം പിന്നിട്ടിട്ടും പ്ലാസ്റ്റിക അടക്കമുള്ള മാലിന്യം കത്തിയതിനെ തുടര്‍ന്നുണ്ടായ വിഷപ്പുക ഇനിയും ശമിച്ചിട്ടില്ല.ഇത് ഗുരുതര ആരോഗ്യപ്രശ്‌നത്തിന് വഴിവെയുക്കുമെന്നാണ് ആരോഗ്യ വിദഗ്ദര്‍ ചൂണ്ടിക്കാട്ടുന്നത്.
