റെഡ്മി നോട്ട് 17 പ്രോ സീരീസ് സ്മാർട്ട്ഫോണുകൾ വിപണിയിൽ അവതരിപ്പിച്ച് ഷവോമി ഇന്ത്യ

കൊച്ചി : മിഡ്-റേഞ്ച് സ്മാർട്ട്ഫോൺ വിപണിയിൽ പുതിയ സുരക്ഷാ-സാങ്കേതിക മാനദണ്ഡങ്ങൾ കുറിച്ചുകൊണ്ട് ഷവോമി ഇന്ത്യ ‘റെഡ്മി നോട്ട് 17 പ്രോ’ സീരീസ് വിപണിയിൽ പുറത്തിറക്കി. റെഡ്മി നോട്ട് 17 പ്രോ മാക്സ്, റെഡ്മി നോട്ട് 17 പ്രോ എന്നീ രണ്ട് ശക്തമായ മോഡലുകളാണ് ഈ സീരീസിലുള്ളത്. പ്രോ മാക്സ് മോഡലിൽ 100W ഹൈപ്പർചാർജ് പിന്തുണയുള്ള 10,000 mAh സിലിക്കൺ-കാർബൺ ബാറ്ററിയും, പ്രോ മോഡലിൽ 67W ചാർജിംഗുള്ള 9,000 mAh ബാറ്ററിയും ഷവോമി ഉൾപ്പെടുത്തിയിട്ടുണ്ട്. ഷവോമിയുടെ ‘ടൈറ്റൻ ക്വാളിറ്റി’ കരുത്തിൽ എത്തുന്ന ഈ ഫോണുകൾക്ക് SGS, TÜV ഡബിൾ ഫൈവ്-സ്റ്റാർ സർട്ടിഫിക്കേഷനുകൾ, കോർണിംഗ് ഗൊറില്ല ഗ്ലാസ് വിക്റ്റസ് 2, കൂടാതെ IP66, IP68, IP69, IP69K വാട്ടർ-ഡസ്റ്റ് റെസിസ്റ്റൻസ് റേറ്റിംഗുകളുമുണ്ട്. ആൻഡ്രോയിഡ് 16 അധിഷ്ഠിത ഹൈപ്പർഒഎസ് 3 (HyperOS 3) പ്രപ്രവർത്തിക്കുന്ന ഫോണുകൾക്ക് 4 വർഷത്തെ ഒ.എസ് അപ്‌ഡേറ്റുകളും ലഭിക്കും. ബാങ്ക് ഓഫറുകൾക്ക് പുറമെ സെപ്റ്റംബർ 17 മുതൽ മി ഡാറ്റ് കോം, ആമസോൺ, പ്രമുഖ റീട്ടെയിൽ ഔട്ട്‌ലെറ്റുകൾ എന്നിവ വഴി ഫോണുകൾ ലഭ്യമാകും.